Handtaka í tengslum við andlát Sala

Emiliano Sala átti að leika með Cardiff í ensku úrvalsdeildinni ...
Emiliano Sala átti að leika með Cardiff í ensku úrvalsdeildinni en fórst þegar flugvél sem átti að flytja hann frá Frakklandi yfir Ermarsundið hrapaði. AFP

Karlmaður á sjötugsaldri hefur verið handtekinn í tengslum við andlát argentínska knattspyrnumannsins Emiliano Sala. Hann lést í flugslysi á leið frá Nantnes til Cardiff í janúar.

Sala var þá að ganga frá félagaskiptum frá franska liðinu til Cardiff þegar flugvél sem átti að flytja hann yfir Ermarsundið brotlenti.

Fram kemur í frétt AFP að karlmaðurinn, sem er 64 ára gamall, hafi verið handtekinn í Norður-Yorks­hire í dag. Maðurinn er grunaður um manndráp en fjölskylda Sala og flugmannsins sem fórst einnig í slysinu hafa verið látnar vita af handtökunni.

Fram kemur í yfirlýsingu lögreglu vegna málsins að manninum hafi verið sleppt úr haldi en rannsókn haldi áfram.

Lögregla hvetur fólk til að velta því ekki of mikið fyrir sér hver maðurinn er því það gæti truflað rannsókn málsins. 

mbl.is
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Fyrir verslunarmannahelgina !!!
Til sölu 2ja manna tjald..Verð kr 4000. 4 manna tjald. Verð kr 10000. Samanbrjó...
Fasteignir
Leitar þú að fasteignasala? Ég sel fyrir þig. Vertu í sambandi. Sigrún Ma...
Leiga, herb. hús, við Gullna hringinn..
Studio herb. með sérbaði og eldunaraðstöðu, hlýleg og kósí, 5 mínútur frá Gey...