„Leggið niður sverðið og takið upp símann“
Setja bókamerki
Tengdar fréttir
Íran
Bandaríska þingkonan Alexandria Ocasio-Cortez hvetur ríkisstjórn Donalds Trump Bandaríkjaforseta til að „leggja niður riddarasverðið og taka upp símann.“
Vísar hún þar í viðbrögð Trump eftir að bandarískur njósnadróni var skotinn niður yfir Hormuz-sundi í vikunni. Trump sagði í færslu á Twitter að Íranar væru að gera „mjög mikil mistök“.
Ocasio-Cortez, sem situr á þingi fyrir Demókrataflokkinn og er jafnframt yngsta konan á þingi, hefur verið afar gagnrýnin á stefnu forsetans, jafnt í innanríkis- sem utanríkismálum. Þegar fréttastofa CNN óskaði eftir viðbrögðum frá Ocasio-Cortez vegna „afgreiðslu mála í Íran“ sagði þingkonan: „Ég held hún [Bandaríkjastjórn] sé að ýta undir hernaðarátök sem er algerlega ábyrgðarlaust.“
Bandarískir fjölmiðlar greindu frá því í nótt að Trump hafi heimilað hefndaraðgerðir gagnvart Íran í gær en síðan skipt um skoðun.
Ekki er ljóst hvort stjórnvöld í Íran séu tilbúin að leita diplómatískra lausna við bandarísk stjórnvöld. Æðsti leiðtogi Írans, Sayyid Ali Hosseini Khamenei, sagði eftir fund sinn í síðustu viku með Shinzo Abe, forsætisráðherra Japans, að hann léði ekki máls á neinum viðræðum við stjórn Trumps. Fundurinn, sem var haldinn í því skyni að reyna að hafa milligöngu um samningaviðræður milli Bandaríkjanna og Írans, virðist því hafa verið dauðadæmd frá upphafi.
Skilaboð Ocasio-Cortez eru hins vega skýr: „Ríkiserindrekstur er það sem veitir okkur frið og stöðugleika - ekki stríð.“
Tengdar fréttir
Íran
Segjast ekki vera á kaldri slóð
Gerir ráð fyrir 150 samningum í næstu viku
Sárt að horfa upp á illa meðferð fjármuna
Nauðgaði kærustu sinni og tók það upp
Hafa „ágætis tíma“ til úrbóta
Hæstiréttur staðfestir vanhæfi alls Landsréttar
Hyggjast leyfa fólki að skoða gosið
29 nautgripir fundust dauðir