Ræstingafólk á vegum suður-afríska flugfélagsins FlySafair fann fóstur í klósetti flugvélar félagsins er verið var að gera hana klára til brottfarar á föstudagsmorgun. Lögreglan í Suður-Afríku rannsakar málið.
Samkvæmt frétt AFP af þessu undarlega máli stóð til að flugvélin myndi fljúga á milli Durban og Jóhannesarborgar á föstudagsmorgun, en af því varð eðlilega ekki.
Í yfirlýsingu frá flugfélaginu segir að það muni gera allt sem að í þeirra valdi stendur til þess að hjálpa yfirvöldum að komast til botns í málinu.