Lík sjö fjallgöngumanna sem leitað hefur verið í hlíðum indverska fjallsins Nanda Devi fundust í dag og verða flutt til byggða.
Tíu manna hópur þrautþjálfaðra fjallgöngumanna úr landamæralögreglu Indlands og Tíbet fann líkin skammt frá nafnlausum tindi á fjallinu.
Snjóflóð féllu á þessum slóðum undir lok maí og fórst hópur fjallgöngumanna á fjallinu, sem er annað hæsta fjall Indlands.
Áhöfn björgunarþyrlu sem er við leit að átta fjallgöngumönnum sem er saknað í indverska hluta Himalajafjallanna kom auga á fimm lík á þeim slóðum sem talið er að þeir hafi verið.
Líkin voru í 4.570-5.500 metra hæð en Nanda Devi er 7.826 metrar að hæð. Ekkert hafði spurst til hópsins, fjögurra Breta, tveggja Bandaríkjamanna, Ástrala og Indverja frá því 26. maí.