Fjórir eru látnir og að minnsta kosti 100 slasaðir eftir að lest féll ofan í gil í skipaskurði í Bangladesh í morgun þegar brú gaf sig.
Að sögn yfirvalda í Bangladesh gaf hluti brúarinnar sig þegar lestin ók yfir hana. Fimm lestarvagnar höfnuðu ofan í gilinu og einn í skipaskurðinum. Fjöldi fólks festist inni í lestarvögnunum.
Slysið varð í Kaulaura, um 300 kílómetra frá Dhaka. Heimamenn komu lögreglu og slökkviliði til aðstoðar við að ná fólki úr lestinni. 21 slasaðist alvarlega og var fluttur á sjúkrahúsið í borginni Sylhet. Lestarumferð til og frá Dhaka til norðausturs var stöðvuð eftir slysið.
Lestarslys eru algeng í Bangladesh sökum niðurnídds lestakerfis.