Fleiri telja Bandaríkin nýta áhrif sín til ills

18% aðspurðra telja Bandaríkin vera afl til góðs í heiminum ...
18% aðspurðra telja Bandaríkin vera afl til góðs í heiminum en 22% til ills. AFP

22% aðspurðra telja Bandaríkin nýta áhrif sín til ills í heiminum samkvæmt nýrri könnun Ipsos, sem kannar viðhorf borgara um heim allan. Einungis fjögur ríki, Íran, Rússland, Sádi-Arabía og Ísrael, mælast verr fyrir í könnuninni. Guardian greinir frá.

Um 29% svarenda telja Bandaríkin líklegri til þess að nýta áhrif sín til ills nú en fyrir tíu árum, samanborið við 17% sem telja því öfugt farið.

Kanada er það ríki sem flestir telja nýta áhrif sín til góðs. Slíkt telja 37% aðspurðra, en 4% telja ríkið nota þau til ills. Á hæla þeirra koma Sameinuðu þjóðirnar (35%), Þýskaland (32%) og Evrópusambandið (30%).

mbl.is/Kort

Þessi ríki og bandalög eiga það öll sameiginlegt að hærra hlutfall aðspurðra telur þau nýta áhrif sín til góðs, heldur en sitt eigið heimaland. 28% aðspurðra telja heimaland sitt gera það, en 23% telja heimaland sitt bæði til góðs og ills í heiminum.

Í könnuninni var einnig spurt út í þá þætti sem fólk teldi eiga að skipta leiðtoga heimalands þess mestu þegar kæmi að samskiptum við önnur ríki. Nefndu 44% aðspurðra efnahagslegan ávinning af samskiptunum og 40% ávinning af öryggissamstarfi. Næst á eftir koma staða mannréttinda í ríkinu, og hvort það virði alþjóðalög, en 30% aðspurðra nefna hvort um sig.

Viðhorf aðspurða eru þó ólík eftir ríkjum. Þannig telja 34% Svía, en einungis 10% Bandaríkjamanna, að skipta eigi máli hvort ríki er lýðræðisríki eða ekki.

mbl.is

Bloggað um fréttina

Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...
Greinakurlari
Greinakurlari sem drifinn er með bensínmótor. Öflugur og meðfærilegur kurlari w...
ÞÝSKAR KERRUR _ FJÖLNOTA OG MEÐ STURTUM
L: 251,305,405,502,611 x B: 153,178,183,203,223 cm, burður 1350 til 3500 kg. Stu...
Sumarhús við gullna hringinn..
- Gisting fyrir 5-6, leiksvæði og stutt að Geysi, Flúðum og Gullfossi. Velkomin....