Fólk víða um Evrópu reyndi hvað það gat til að kæla sig niður í hitanum sem hélt áfram að aukast í dag.
Viðbúnaður hefur m.a. verið í Frakklandi vegna hitabylgjunnar, sem gæti valdið dauðsföllum. Orsök hennar er heitt loft sem kemur frá Sahara-eyðimörkinni.
Hitabylgjan hefur þegar valdið því að viftur hafa rokið út eins og heitar lummur, auk þess sem prófum hefur verið aflýst hjá sumum unglingum í Frakklandi, að því er BBC greindi frá.
Sérfræðingar telja að hitamet í júnímánuði verði hugsanlega slegin í Frakklandi, Þýskalandi, Sviss og Belgíu á næstu dögum. Útlit er fyrir að hitinn eigi enn eftir að aukast en hann hefur sums staðar farið yfir 40 gráður.