Tilkynnt verður um sigurvegara leiðtogakjörs breska Íhaldsflokksins þriðjudaginn 23. júlí að því er fram kemur í fréttatilkynningu flokksins í dag. Um 160 þúsund félagsmenn Íhaldsflokksins eru á kjörskrá.

Sá sem tekur við leiðtogahlutverkinu mun einnig taka við sem forsætisráðherra Bretlands og er þingmaðurinn Boris Johnson talinn sigurstranglegastur. Samkvæmt könnun sem gerð var meðal bæjarfulltrúa íhaldsflokksins mældist Johnsons með 61% fulltrúanna og keppinautur hans, Jeremy Hunt utanríkisráðherra, með stuðning 39% þeirra.

Boris Johnson. AFP

Hunt hefur sakað Johnson um að vera í felum þar sem hann hefur ekki gefið kost á mörgum viðtölum eða kappræðum. Johnson hefur í dag tilkynnt þátttöku í fleiri viðtölum og að hann hyggst halda fleiri kosningaviðburði.

Frétt af mbl.is

„Ekki vera bleyða“

Hann hefur þó ekki breytt afstöðu sinni um að ræða ekki einkalíf sitt, en fjallað hefur verið um það í fjölmiðlum að nágranni hans hafi hringt á lögregluna eftir rifrildi milli Johnson og sambýliskonu hans.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt