Frá byrjun árs og fram í apríl fengu lögregluyfirvöld í Berlín rúm 5.000 afbrot á sitt borð knúin áfram af pólitískri hægriöfgastefnu. 226 af málunum fólu í sér ofbeldisbrot og minnst 125 særðust á þessu tímabili eftir árasir framdar af nýnasistum eða öðrum öfgahægrimönnum.
Þetta er bráðabirgðatölfræði sem greint var frá í svari ríkisstjórnarinnar við fyrirspurn þingmannsins Petra Pau úr vinstriflokknum Linke. Að því er kemur fram í Der Tagesspiegel mun talan hækka.
Frá janúar fram í mars í Berlín voru skráð 223 afbrot tengd andúð á gyðingum. Átta þeirra voru ofbeldisbrot. Af þessum 223 afbrotum reiknar lögreglan aðeins með því að 3 hafi verið af hendi múslima en 203 frá hægriöfgamönnum hvers konar.
Der Tagesspiegel bendir þá á að tölfræði lögreglunnar um glæpi gegn gyðingum sé umdeild, þar sem ýmis samtök gyðinga vilji meina að hlutfalli hægriöfgamanna sé ofgert í þeim útreikningum en of lítið sé gert úr hlut innflytjenda og múslima sem árásarmanna.
Árið 2018 skráði lögregla um gervallt Þýskaland 20.431 hægriöfgaglæpi. 1.156 þeirra voru staðfest ofbeldisbrot.