Spáir 45 gráðu hita á morgun

Fólk notar regnhlíf til að skýla sér fyrir hitanum í ...
Fólk notar regnhlíf til að skýla sér fyrir hitanum í París. AFP

Hitametin á meginlandi Evrópu hafa verið að falla eitt af öðru í gær og síðustu daga sem hitinn náði víða hátt í 40 gráður. Nú er því spáð að hitinn verði allt að 45 gráður á Spáni og í Frakklandi síðar í dag og á morgun.

BBC greinir frá.

Hitamet féllu eitt af öðru í gær, meðal annars í Þýskalandi, Póllandi og Tékklandi og útlit er fyrir að þau haldi áfram að falla að minnsta kosti næstu þrjá daga segja veðurfræðingar. Orsökin er heitt loft frá Norður-Afríku.

Reiknað er með því að hiti fari yfir 40 gráður á ellefu stöðum á Spáni og talið er að hitinn nái allt að 45 gráðum sumstaðar. Yfirvöld á Spáni segja „verulega hættu“ á gróðureldum.

Á Ítalíu er gert ráð fyrir að hitametin verði sömuleiðis slegin, sérstaklega um mitt og norðanvert landið, til dæmis í Rómarborg.

Frönsk yfirvöld hafa varað íbúa við og hafa gripið til varúðarráðstafana vegna hitabylgjunnar. Appelsínugul viðvörun er í gildi um nánast allt Frakkland. Gosbrunnar hafa verið settir upp sem og „köld svæði“. Þá er sérstakt átak í gangi til að aðstoða heimilislausa. Um 15 þúsund manns létust vegna hitabylgju í Frakklandi árið 2003.

mbl.is
Hyundai Getz árgerð 2007. Ekinn 187.000
Hyundai Getz árgerð 2007. Ekinn 187.000 km. Góður snattari sem þarf að laga aðei...
Gefins rúm.
Ameríst rúm 152 x 203. Upplýsingar í síma 898 4207...
Hvernig líst þér á Natalie
Vissir þú að nú er 40.000 kr afsláttur af Natalie? Klikkaðu á linkinn fyrir neð...
TUNIKA
Tískuverslunin Smart Grímsbæ/Bústaðavegi TUNIKA - 3900 ST.36-52 Sími 588 8050. -...