Brugðist verði við af hörku

Stjórnvöld í Íran greindu frá því í morgun að þau ...
Stjórnvöld í Íran greindu frá því í morgun að þau hyggist í dag hefja aftur framleiðslu auðgaðs úrans umfram heimildir kjarnorkusamningsins, sem gerður var 2015. AFP

Benjamin Netanyahu, forsætisráðherra Ísraels, kallar eftir því að brugðist verði við ákvörðun Írana, að hefja auðgun úrans að nýju, af hörku. Segir hann að frekari auðgun úrans sé einungis gerð í þeim tilgangi að smíða kjarnorkusprengjur.

Stjórnvöld í Íran greindu frá því í morgun að þau hyggist í dag hefja aftur framleiðslu auðgaðs úrans umfram heimildir kjarnorkusamningsins, sem gerður var 2015. 

Stjórnvöld í Íran segja að vilji sé til að standa við samkomulagið en stjórnvöld fara fram á að þau ríki sem enn eiga aðild að samningnum; Rússland, Kína, Bretland, Frakkland og Þýskaland, beiti sér fyrir því að viðskiptaþvingunum Bandaríkjanna á Íran verði aflétt. 

Fram kemur í tilkynningu frá utanríkisráðherra Bretlands að aðildarríki samningsins séu í sameiningu að ákveða næstu skref hvað varðar samninginn og viðræður við stjórnvöld í Íran. 

Bresk stjórnvöld segja að Íran verði að láta staðar numið strax og hætta við allar áætlanir sínar um áframhaldandi auðgun úrans. „Á sama tíma og Bretland stendur við skuldbindingar samningsins verður Íran að hætta öllum aðgerðum strax sem eru ekki í samræmi við skyldur þeirra samkvæmt samningnum,“ segir í yfirlýsingu frá Jeremy Hunt, utanríkisráðherra Bretlands. 

Benjamin Netanyahu, forsætisráðherra Ísraels, kallar eftir því að brugðist verði ...
Benjamin Netanyahu, forsætisráðherra Ísraels, kallar eftir því að brugðist verði við ákvörðun Írana, að hefja auðgun úrans að nýju, af hörku. AFP
mbl.is
Legupressur 50 Tonna
Everet UK Legupressur 50 T Loft/glussadrrifnar og einnig hægt að handtjakka. Gæ...
Tæki fyrir traktorinn
Við erum með jarðtætara, hagasláttuvélar, kurlara og allt mögulegt fyrir traktor...
STIGAR OG HANDRIÐ ALLAR MÖGULEGAR GERÐIR
Fleiri myndir af stiganum á meðfylgjandi mynd eru í möppu 110 á Fésinu okkar, (...
Skápur úr furu
Gæti hentað í sumarhúsið. S. 8691204...