Grunlausir viðskiptavinir í Brasilíu uppgötvuðu, sér til mikillar undrunar, að þeir höfðu keypt kókaín í stað þvottadufts í stórmarkaði í Sao Paolo á dögunum.
Að minnsta kosti 80 kíló af kókaíni fundust í búðinni, samkvæmt lögreglu á svæðinu, sem deildi ljósmynd af kókaíninu í þvottaduftspakkningum og sagðist vera að „hreinsa göturnar af glæpamönnum“.
Fjórir hafa verið handteknir fyrir að reyna að fela kókaínsendingu í sápupökkum, en talið er að stjórnendur stórmarkaðarins stundi ólöglegan fíkniefnaflutning og þvottaduftspakkarnir hafi endað í hillum ætluðum viðskiptavinum fyrir mistök.
Einn viðskiptavinur reyndi, samkvæmt frétt BBC, að skila kókaíninu aftur í verslunina, á meðan annar ákvað heldur að skila því til lögreglunnar og kom þannig upp um brotastarfsemina.
Limpando as ruas de criminosos: Policiais Militares prendem 4 que usavam caixas de sabão em pó para camuflar drogas. Veja mais: https://t.co/nyxd1QeVVT pic.twitter.com/OlYE8GPTR2
— POLÍCIA MILITAR - SP (@PMESP) 15 July 2019