Trump segist ekki vera rasisti
Setja bókamerki
Donald Trump Bandaríkjaforseti fullyrðir að hann sé ekki rasisti eftir röð færslna á Twitter um helgina þar sem hann sagði að fjórar þingkonur Demókrataflokksins gætu yfirgefið Bandaríkin.
Trump hefur verið harðlega gagnrýndur fyrir færslurnar á Twitter.
Þingkonurnar fjórar eru Alexandria Ocasio-Cortes frá New York, Rashida Tlaib frá Michigan, Ilhan Omar frá Minnesota og Ayanna Perssley frá Massachusetts, en þær boðuðu til blaðamannafundar vegna málsins í morgun. Allar eru þær fæddar í Bandaríkjunum nema Omar sem þangað kom sem flóttamaður frá Sómalíu sem barn.
„Þessar færslur voru EKKI rasískar. Það er ekki rasískt bein í líkama mínum!“ skrifaði forsetinn á Twitter fyrr í dag. Færslan kom í kjölfarið á því að fulltrúadeild bandaríska þingsins bjó sig undir kosningu þar sem ákveðið yrði hvort ummæli forsetans yrðu fordæmd.
Talið er líklegt að samþykkt verði að fordæma ummæli forsetans vegna þess að demókratar eru í meirihluta í fulltrúadeildinni. Samþykktin hefur þó enga lagalega þýðingu.
Þingkonurnar sögðu fyrr í dag að Trump væri að reyna að beina athygli frá stefnu sinni með rasískum árásum í þeirra garð.
Kvikan virðist nú skiptast til helminga
„Þögnin er ærandi“
Hafa samþykkt kaup fyrir um 9,2 milljarða
Segir óábyrgt að skipta út öllu bankaráðinu
Kveðst tala af virðingu: „Ég er enginn dóni“
Ofsóttur innan veggja Boeing
Benda á Samgöngustofu sem bendir út í heim