Óska ferðaleyfis fyrir uighur-mæðgin
Setja bókamerki
Áströlsk yfirvöld hafa farið þess á leit við ráðamenn í Kína að móður úr hópi uighur-múslima og barnungum syni hennar verði leyft að ferðast úr landi.
Það var faðir barnsins, sem búsettur er í Ástralíu, sem leitaði á náðir yfirvalda í tilraun til þess að komast í samband við eiginkonu sína og barn þeirra, sem hann hefur aldrei hitt.
Yfirvöld í Xinjiang-héraði í Kína eru talin ofsækja uighur-múslima, aðskilja börn frá fjölskyldum sínum, trúarhefðum og tungumáli, og halda fullorðnum meðlimum minnihlutahópsins í kyrrsetningarbúðum (e. detention camps).
Sadam Abudusalamu, uighur-múslimi af áströlskum uppruna, fékk nýlega samþykktan ástalskan ríkisborgararétt fyrir son þeirra hjóna, hinn tveggja ára gamla Lufty, en móðir drengsins, Nadila Wumaie, er fædd og uppalin í Kína. Abudusalamu óttast að Lufty verði tekinn af móður sinni og settur í umsjá annarrar fjölskyldu komist hann ekki í burtu frá Kína.
Að sögn Abudusalamu var eiginkonu hans til skamms tíma í haldi lögreglu í Xinjiang eftir að í ljós kom að eiginmaður hennar hafði óskað eftir ferðaleyfi fyrir hana, en samkvæmt mannréttindahópum virðast yfirvöld í Xinjiang reyna að koma í veg fyrir að uighur-múslimar haldi sambandi við ættingja sína erlendis.
Kínversk yfirvöld hafa ekki orðið við beiðni þeirra áströlsku, en Ástralía var ein 22 þjóða sem skrifuðu undir yfirlýsingu hjá Mannréttindaráði Sameinuðu þjóðanna vegna meðferðar á uighur-þjóðinni í Kína.
Skiptir miklu meira máli en fólk grunar
„Hvílir mikil leynd yfir þessu öllu“
„Umsátursástand“
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss
Banna mengandi búnað sem leyfður er á Íslandi
„Á réttri leið en nokkuð í land ennþá“