Handtekinn eftir íkveikju

Lögreglan í Japan handtók karlmann sem er grunaður um að hafa kveikt í teikni­mynda­veri í Kyoto í Jap­an í gær þar sem 33 létust. Óttast er að fleiri eigi eftir að láta lífið því fjölmargir hlutu lífshættuleg brunasár. Þetta er mannskæðasta árás í Japan í árafjölda. BBC greinir frá.  

Maðurinn Shinji Aoba var handtekinn á sjúkrahúsi þar sem hann lá vegna brunasára sinna. Vitni segja Aoba hafi kvartað yfir því að teiknimyndaverið hafi stolið hugmyndum hans þegar hann var handtekinn. 

Frétt af mbl.is

26 farast og tugir slasaðir eftir bruna

Brennuvargurinn á að hafa skvett úr fötu með eldfimu efni áður en hann lagði eld að því og öskraði „deyið“. Samkvæmt miðlinum NHK er maðurinn á sakaskrá meðal annars fyrir peningastuld úr matvöruverslun.  

Fjölmargir hafa lagt blóm við teiknimyndaverið til minningar um þá sem létust.  

• Blogga um frétt