Kona í Ástralíu hefur verið ákærð fyrir morð á tæplega sextugri móður sinni, en konan var handtekin eftir að hafa komið höfði móður sinnar fyrir utan við hús nágranna sinna.
Fram kemur í frétt AFP að lögreglan hafi fundið lík móður konunnar inni á heimili hennar og lýstu lögreglumennirnir aðkomunni sem þeirri verstu sem þeir hefðu upplifað.
Konan, sem er 25 ára gömul, var handtekin á staðnum. Óskaði hún eftir því að fá viðeigandi læknisaðstoð þar sem hún ætti við andleg vandamál að stríða. Var hún í kjölfarið flutt á sjúkrahús þar sem hún hefur verið til rannsóknar.