Breskur ráðherra segir af sér

Alan Duncan, fyrrverandi ráðherra í bresku ríkisstjórninni.
Alan Duncan, fyrrverandi ráðherra í bresku ríkisstjórninni. AFP

Alan Duncan sagði af sér sem ráðherra í ríkisstjórn Bretlands í dag en hann gegndi embætti ráðherra í breska utanríkisráðuneytinu og fór þar með málefni Evrópu og Ameríku. Ástæðan er að hann treystir sér ekki til þess að starfa í ríkisstjórn undir forystu Boris Johnson sem allar líkur eru taldar á að verði næsti forsætisráðherra landsins.

Haft er eftir Duncan í frétt breska dagblaðsins Daily Telegraph að fyrirhuguð útganga Bretlands úr Evrópusambandinu varpaði „svörtu skýi“ yfir Bretland vegna þess tíma og fyrirhafnar sem farið hefði í málið þegar hægt hefði verið að einbeita sér að öðrum verkefnum. Gagnrýndi hann enn fremur Johnson fyrir það að hafa ekki lýst yfir stuðningi við Kim Darroch, fyrrverandi sendiherra Bretlands í Bandaríkjunum, eftir að lekið var hörðum ummælum Darrochs um ríkisstjórn Donalds Trump Bandaríkjaforseta. Hefur hann áður lýst Johnson sem „sirkusatriði“.

Talið er að allt að fjórtán ráðherrar eigi eftir að segja af sér í dag en tilkynnt verður formlega á morgun hvort Johnson hafi sigrað leiðtogakjör Íhaldsflokksins eða Jeremy Hunt utanríkisráðherra. Flest bendir til þess að Johnson verði næsti leiðtogi flokksins og forsætisráðherra og mun hann í kjölfarið mynda nýja ríkisstjórn. Þykir líklegt að margir ráðherrar verði látnir fara og að þeir telji betra að hætta sjálfir en verða reknir.

Philip Hammond fjármálaráðherra tilkynnti í gær að hann ætlaði að segja af sér ráðherradómi áður en Johnson tæki við sem forsætisráðherra. Talið hefur verið að Hammond yrði einn af þeim ráðherrum sem yrðu reknir af Johnson. Sagði Hammond aðspurður í sjónvarpsþætti í breska ríkisútvarpinu BBC að hann ætti ekki von á að vera rekinn enda ætlaði hann að segja af sér áður en til þess kæmi.

mbl.is
Gæjalegur retro leðursófi frá Casa til sölu
Til sölu hvítur, ítalskur 3ja sæta hönnunarsófi. Keyptur í versluninni Casa og k...
Hornborð til sölu ódýrt.
Hornborð 65x65 cm. Hæð 45 cm. Vel með farið kr. 900.- Er í Garðabæ s: 8691204...
Arkitektar og verkfræðingar: Skrifstofuhúsnæði Bolholti 4 til leigu
Til leigu er 230 fermetra skrifstofurými í austurenda á 5. og efstu hæð Bolholts...
Ég skal selja fyrir þig!
Fasteignir óskast á söluskrá....