Um 150 flóttamanna er saknað eftir að bátur þeirra sökk undan ströndum Líbýu.

„Báturinn sökk undan ströndum borgarinnar Khoms um 100 kílómetra frá Trípólí,“ sagði Safa Msehli, talsmaður alþjóðlegu flóttamannasamtakanna IOM í Líbýu.

Alls var 145 flóttamönnum bjargað úr bátnum af strandgæslunni í Líbýu og greindu einhverjir þeirra frá því að 150 til viðbótar væri saknað.  

Ef flóttamennirnir finnast ekki á lífi verður þetta mannskæðasta slysið á Miðjarðarhafinu það sem af er þessu ári, að sögn BBC.

Að minnsta kosti 65 létust í maí eftir að bát þeirra hvolfdi undan ströndum Túnis. Sextán komust lífs af.

Talið er að 164 manneskjur hafi látið lífið á leiðinni á milli Líbýu og Evrópu fyrstu fjóra mánuði þessa árs.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt