Norður-Kóreumenn skutu að eigin sögn „nýju vopni“ á loft í gær og fylgdist leiðtogi ríkisins Kim Jong-un með því sem fram fór. Um er að ræða sjöttu eldflaugatilraun ríkisins frá því í júlí.

Ríkisfréttaveitan KCNA greindi frá því í dag að leiðtoginn hefði verið „gríðarlega ánægður“ með hvernig til tókst og heitir hann því að byggja upp „ósigrandi hernaðarmátt sem enginn þorir að ögra,“ samkvæmt endursögn breska blaðsins Guardian.

Eldflaugatilraunir ríkisins eru að sögn sérfræðinga hugsaðar til þess að þrýsta á Bandaríkjamenn og nágrannana í Suður-Kóreu um að setja aukinn kraft í viðræðum um kjarnorkumál og sömuleiðis til þess að hætta við sameiginlega heræfingu ríkjanna við Kóruskagann á næstunni.

Samkvæmt suður-kóreska hernum enduðu tvö flugskeyti frá Norður-Kóreu í hafinu á milli Kóreuskaga og Japan í dag.

Mynd af eldflaugaskotinu sem norður-kóresk stjórnvöld hafa dreift á fréttaveitur heimsins. AFP

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir

• Blogga um frétt