Íranskt olíuskip, sem var kyrrsett á Gíbraltar í júlí vegna gruns um að það væri að flytja olíu til Sýrlands, sigldi í gærkvöldi úr höfn. Dómstóll á Gíbraltar komst að þeirri niðurstöðu í síðustu viku að ekki væri heimild fyrir kyrrsetningu skipsins en bandarísk yfirvöld höfðu óskað eftir kyrrsetningunni.

Frétt af mbl.is

Hafna kröfu bandarískra stjórnvalda

Eftirlit með skipaumferð sýnir að skipið, Grace 1, siglir í austurátt og samkvæmt tilkynningu stefnir það á Kalamata í Grikklandi. 

Yfirvöld í Íran greindu frá því í dag að þau hafi varað bandarísk yfirvöld við því að reyna að stöðva skipið á nýjan leik. Talsmaður utanríkisráðuneytisins, Abbas Mousavi, sagði á fréttamannafundi í morgun að Bandaríkjamenn hafi verið varaðir við því að slíkt gæti haft alvarlegar afleiðingar í för með sér. 

Tengdar fréttir

Íran

Leiðtogar G7-ríkjanna funda vegna árásarinnar

• Ísland fordæmir árásina
• Skutu 300 drónum og flugskeytum
• Árásirnar í Írak og Sýrlandi bara „upphafið“
• Hyggja á röð árása í Írak og Sýrlandi

» Fleiri tengdar fréttir

• Blogga um frétt