Vilja geta haldið börnum ótímabundið
Setja bókamerki
Bandaríkjastjórn hefur kynnt nýjar breytingar á útlendingalöggjöf þar sem felld eru úr gildi takmörk á því hve lengi má halda börnum í varðhaldi, hafi þau verið tekin við að reyna að komast yfir landamæri Bandaríkjanna í suðri. Reglugerðina kynnti Kevin McAleenan, starfandi heimavarnaráðherra Bandaríkjanna, og tekur hún gildi eftir 60 daga.
Að sögn yfirvalda hafa núgildandi tímamörk orðið til þess að fjölga fjölskyldum frá Suður-Ameríku sem reyna að komast yfir landamærin. Segja þau að börn séu notuð sem nokkurs konar „vegabréf“ til að fjölskyldur séu leystar úr varðhaldi eftir stutta dvöl.
„Í dag kynnir ríkisstjórnin mikilvægar reglur sem munu heimila heimavarnaráðuneytinu að halda saman fjökskyldum með viðeigandi hætti og auka heilindi innflytjendakerfisins,“ sagði McAleenan af því tilefni.
Áratugadómafordæmi, þekkt sem Flores-sáttargerðin, takmarkar það hve lengi halda má börnum í varðhaldi, og eftir úrskurð dómstóla 2015 hefur ekki mátt halda börnum lengur en 20 daga. Nú stendur til að heimila að fjölskyldur séu sendar í svokallaðar „fjölskyldubúðir“ svo lengi sem meðferð þeirra mála stendur yfir.
Væri að ljúga ef ég segðist ekki stressaður
Skiptir miklu meira máli en fólk grunar
Telur forsendur fyrir vaxtalækkun
Gígbarmurinn hækkað frá því í gær
Krefjast stöðvunar framkvæmda
Skemmtiferðaskip hætt komið nærri Viðey
Tveir í bílnum sem lenti utan vegar
Banna mengandi búnað sem leyfður er á Íslandi