Merkel veitir Johnson 70 daga frest
Setja bókamerki
Angela Merkel, kanslari Þýskalands, er tilbúin að veita Bretum frest til 31. október til að ná samkomulagi um nýtt samkomulag um brotthvarf Breta úr Evrópusambandinu, Brexit. Það er 40 dögum lengri frestur en Merkel sagðist vera tilbúin að veita í gær.
Ný lausn varðandi landamæri Norður-Írlands og Írlands er helsta ákvæðið sem nýr samningur þarf að innihalda.
„Kannski getum við gert þetta innan þrjátíu daga, hvers vegna ekki?” sagði Merkel á blaðamannafundi í Berlín með breska forsætisráðherranum Boris Johnson í gær.
Merkel hefur hins vegar skipt um skoðun. „Þetta snýst ekki um 30 daga heldur er fresturinn tákn um það sem hægt er að gera á stuttum tíma,“ sagði Merkel á blaðamannafundi með Mark Rutte, forsætisráðherra Hollands, í Haag í dag.
31. október er einmitt dagurinn sem Bretar fara úr Evrópusambandinu og að öllu óbreyttu verður það án samnings.
Vorum kannski ekki bara „hrópandi í eyðimörkinni“
50% fjölgun kærumála og aukið álag
Mánuður frá gosi: Lengsta gosið frá 2021
Boðar 17 milljarða hagræðingu á næsta ári
Fækka nefndum og auka eftirlit með styrkjum
Hafa náð tökum á eldinum
Með skerta aksturshæfni og undir slævandi áhrifum
„Sárt að horfa upp á þetta“