Trump skipar fyrirtækjum að fara frá Kína
Setja bókamerki
Donald Trump Bandaríkjaforseti sagðist í dag „hér með skipa“ bandarískum fyrirtækjum að yfirgefa Kína. Lét Trump þessi orð falla eftir að kínversk stjórnvöld tilkynntu að þau muni svara efnahagsaðgerðum Bandaríkjanna og hækka tolla á bandarískar vörur um allt að 10% eða því sem nemur 75 milljörðum bandaríkjadala, jafnvirði 9.337 milljarða íslenskra króna.
BBC segir Hvíta húsið þó ekki enn hafa tilgreint hvaða vald forsetinn hafi til að skipa einkafyrirtækjum að yfirgefa land.
Þá tilkynnti Trump um fyrirhugaða 5% hækkun á innflutningstollum á kínverskum vörum og olli þessi nýjasti gjörningur í viðskiptastríði þjóðanna miklum óróa á alþjóða fjármálamörkuðum.
Þann fyrsta ágúst tilkynnti Donald Trump, forseti Bandaríkjanna, að þarlend stjórnvöld myndu leggja á 10% innflutningstoll á vörur frá Kína, sem mun nema 300 milljarða bandaríkjadala á ári. Fyrir er 25% tollur á vörum frá Kína og taka nýju tollar Bandaríkjanna gildi í tvennu lagi, fyrsta september og 15. desember.
Dow Jones vísitalan lækkaði í dag um 620 punkta, eða 2,4% og lækkun varð einnig á bresku FTSE 100 vísitölunni og þýsku DAX vísitölunni.
„Í anda þess að ná sanngjörnum viðskiptum þá verðum við að jafna út þetta mjög svo ósanngjarna viðskiptasamband,“ sagði Trump á Twitter.
„Þögnin er ærandi“
Benda á Samgöngustofu sem bendir út í heim
Ísraelar hefna árásarinnar
Fjárfestingin 115 milljarðar króna
/frimg/9/40/940831.jpg)
Telur eyðsluna munu rjúka upp úr öllu valdi
Markaðurinn hitnar og leiguverð hækkar hratt
Innviðir þandir og álagið „gríðarlegt“
„Það er skiljanlegt að þolinmæði þeirra sé lítil“