Samkvæmt veðurspám mun fellibylurinn Dorian skella á norðanverðum Bahamaeyjum af fullum krafti í dag og staldra þar við í meira en sólarhring. Dorian er orðinn að fimmta stigs fellibyl að mati bandarísku fellibyljamiðstöðvarinnar, NHC, og mun vindstyrkur ná allt að 74 metrum á sekúndu. 

Á Grand Bahama er und­ir­bún­ing­ur að ná há­marki, en þrátt fyr­ir að íbú­ar séu flestu van­ir þegar ofsa­veður og felli­byljir eru annars vegar er reiknað með að Dori­an verði versti byl­ur í sögu eyj­ar­inn­ar.

Emm­anu­el Smith á veit­ingastað á eyj­unni en hann hef­ur margoft komið til Íslands og á hér fjölda vina. „Við erum að búa okk­ur und­ir gjör­eyðilegg­ingu. Venju­lega fer felli­byl­ur yfir á nokkr­um klukku­stund­um en sam­kvæmt spám mun hann vera hér í tvo sól­ar­hringa. Það er verið að loka öllu, byrgja allt og koma því í skjól sem hægt er. Svo er bara að bíða, vona og biðja,“ seg­ir Emm­anu­el.