Tilkynnt var í gær að þingmaðurinn Sam Gyimah hefði gengið til liðs við Frjálslynda demókrata en hann var kosinn á þing fyrir Íhaldsflokkinn.

21 þingmaður Íhaldsflokksins tók höndum saman við stjórnarandstöðuna á dögunum til þess að koma í veg fyrir að af útgöngu Bretlands úr Evrópusambandinu gæti orðið án útgöngusamnings og var Gyimah einn þeirra. Í kjölfarið var þeim vísað úr flokknum. Frjálslyndir demókratar hafa þá stefnu að koma í veg fyrir útgönguna.

Fram kemur í frétt AFP að margir hafi áður litið á Gyimah sem vonarstjörnu innan Íhaldsflokksins. Hann var ráðherra í ríkisstjórn Theresu May en sagði sig úr stjórninni á síðasta ári vegna stefnu May við útgöngu Breta úr Evrópusambandinu.

Þá hefur Gyimah verið mikill talsmaður þess að haldin verði ný þjóðaratkvæðagreiðsla í Bretlandi um það hvort Bretland eigi að vera í Evrópusambandinu en meirihluti kjósenda samþykkti í þjóðaratkvæði sumarið 2016 að ganga úr sambandinu.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt