Húsgagnaflutningar notaðir til að svæfa fólk

Hugmyndina að baki streyminu er að deyfa þá sem hlusta …
Hugmyndina að baki streyminu er að deyfa þá sem hlusta þannig að þeir falli í djúpan svefn mbl.is/Thinkstockphotos

Húsgagnaframleiðandinn IKEA hefur nú sent frá sér óvenjulega nýjung, 14 sólarhringa langt streymi á YouTube undir heitinu The Sleep Ship, sem flokka má með svo nefndu „slow TV“ efni.

Ástralski vefurinn Highsnobiety greinir frá þessu og segir streymið vera hluta af herferð sem á að auðvelda Áströlum að sofa betur.



The Sleep Ship, eða svefnskipið“ er 336 klukkustunda langt streymi þar sem fylgt er eftir flutningi á IKEA-vörum með skipi til Ástralíu. Á sama tíma og stefni skipsins klýfur öldurnar lesa tveir sænskir starfsmenn IKEA, þau Kent og Sara, upp nöfn á vörum sem má finna í vörulista IKEA fyrir næsta ár. Lesturinn hófst með upptalningu á svefnherbergismunum og mun ljúka með upptalningu á baðherbergismunum.

Segir Highsnobiety hugmyndina að baki myndbandinu vera þá að deyfa þá sem hlusta þannig að þeir falli í djúpan svefn, en streymið byggist á svefnhlaðvarpi IKEA sem er byggt á frásögn úr húsgagnavörulista IKEA.

mbl.is