Þrír táningar hafa verið ákærðir fyrir morð á breskum lögreglumanni. Lögreglumaðurinn, Andrew Harper, var myrtur 15. ágúst á vettvangi innbrots í þorpinu Sulhamstead, nærri borginni Reading.
Samkvæmt tilkynningu frá saksóknara kemur fram að þrír piltar, einn 18 ára og tveir 17 ára, hafi verið ákærðir fyrir morð og tilraun til að stela fjórhjóli. Fjórði pilturinn, 21 árs, er einungis ákærður fyrir vægari glæpinn.
Piltarnir þrír verða leiddir fyrir dómara í Reading á morgun.