Ummæli Davids Camerons, fyrrverandi forsætisráðherra Bretlands og leiðtoga Íhaldsflokksins, þess efnis að hann hafi leitað aðstoðar drottningarinnar fyrir þjóðaratkvæðagreiðslu Skotlands árið 2014 hafa valdið óánægju í Buckingham-höll.
Frá þessu er greint í frétt BBC.
Cameron sagði í samtali við BBC að hann hefði spurt Elísabetu Englandsdrottningu hvort hún yrði hissa eða ósátt vegna möguleikans á því að Skotland myndi kjósa um sjálfstæði.
Drottningin sagði síðar að fólk ætti að „huga vandlega að framtíðinni“.
Talsmaður Buckingham-hallar hefur ekki sent frá sér yfirlýsingu vegna ummæla Camerons.
Cameron tjáði sig um samskipti sín og drottningarinnar í nýrri heimildarmynd þar sem hann ræðir tíma sinn sem forsætisráðherra.
Heimildamaður BBC innan konungsfjölskyldunnar segir að það sé ekki hagur neins að samtöl milli forsætisráðherra og drottningar séu gerð opinber.