Þrír yfirmenn Tokyo Electric Power (Tepco) sem rak kjarnorkuverið í Fukushima í Japan hafa verið sýknaðir af öllum ákærum vegna kjarnorkuslyssins sem þar varð fyrir átta árum. 

Mannskæður jarðskjálfti og öfl­ug fljóðbylgja í mars 2011 leiddu til kjarn­orku­slyss í kjarn­orku­ver­inu í Fukus­hima. Um 18.500 manns lét­ust í ham­förun­um eða er enn saknað. 

Þremenningarnir eru þeir einu sem ákærðir voru í málinu og því liggur ljóst fyrir að enginn verður sakfelldur fyrir glæpsamlegt atferli vegna slyssins, sem er það alvarlegasta sinnar tegundar frá slysinu í Chernobyl árið 1986. 

Frétt af mbl.is

Stjórnendur Tepco ákærðir

Tsunehisa Katsumata, fyrrverandi stjórnarmaður fyrirtækisins, og varaforstjórarnir Sakae Muto og Ichiro Takekuro, sem eru á sjötugs- og áttræðisaldri, voru ákærðir fyrir glæpsamlega vanrækslu sem leiddi til dauða 44 manns þrátt fyrir að opinberlega hafi engin dauðsföll verið skráð sem bein afleiðing slyssins. Dauðsföllin sem vísað er til í ákærunni ná til þeirra sem létust á sjúkrahúsi í kjölfar kjarnorkuslyssins eftir að hafa verið fluttir með hraði í kjölfar þess að kjarnaofnar orkuversins bráðnuðu og geislavirk efni láku út. 

Áttu þeir yfir höfði sér fimm ára fangelsi, yrðu þeir fundnir sekir.

Aðgerðasinna komu saman fyrir utan héraðsdómstól í Tókýó í morgun þegar dómur var kveðinn upp í máli þriggja fyrrverandi yfirmanna Tepco sem rak kjarnorkuverið í Fukushima. AFP

Tengdar fréttir

Jarðskjálfti í Japan

Sýni úr úrgangsvatni frá Fukushima innan marka

• Vatn úr kjarnorkuveri á leið í sjóinn
• Setti lögbann á opnun kjarnorkuvers í Japan
• Minnast hamfaranna fyrir 7 árum
• Stjórnendur Tepco ákærðir

» Fleiri tengdar fréttir

• Blogga um frétt