Hafnað var naumlega tillögu á flokksþingi breska Verkamannaflokksins í dag um að flokkurinn beitti sér fyrir því að Bretland yrði áfram innan Evrópusambandsins þvert á niðurstöðu þjóðaratkvæðisins sem haldið var í landinu sumarið 2016.

Tillagan, sem naut ekki stuðnings Jeremys Corbyn, leiðtoga Verkamannaflokksins, gekk út á það að flokkurinn beitti sér fyrir nýju þjóðaratkvæði þar sem hann myndi berjast fyrir því að Bretland yrði áfram hluti af Evrópusambandinu.

Formaður flokksþingsins, Wendy Nicholls, lýsti því fyrst yfir að tillagan hefði verið samþykkt, en atkvæðagreiðslan fór fram með handauppréttingum, en leiðrétti það síðan og sagði að hún hefði verið felld. Um 1.200 manns sitja þingið.

Nicholls hafnaði ósk um að atkvæðagreiðan yrði endurtekin. Flokksþingið fer fram í ensku borginni Brighton á suðurströnd Bretlands.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt