Musk réð einkaspæjara til að rannsaka „barnaperrann“
Setja bókamerki
Frumkvöðullinn og milljarðamæringurinn Elon Musk réð einkaspæjara til þess að rannsaka breska kafarann Vernon Unsworth, sem tók þátt í björgun 12 taílenskra drengja úr helli í júlí í fyrra og Musk hefur ítrekað kallað barnaperra og jafnvel barnanauðgara án þess að leggja fram neitt máli sínu til stuðnings.
Þetta kemur fram í umfjöllun Buzzfeed News. Samkvæmt fréttinni borgaði Musk manni að nafni James Howard-Higgins 50 þúsund Bandaríkjadali, jafnvirði um 6 milljóna króna, fyrir að rannsaka Unsworth.
Howard-Higgins er sjálfskipaður einkaspæjari og dæmdur glæpa- og fjársvikamaður.
Allt hófst þetta þegar Musk bauð björgunaraðilum í Taílandi afnot af litlum kafbáti. Aðstoð hans var hins vegar afþökkuð og var haft eftir Unsworth að kafbátur Musk hefði „algjörlega ekkert gagn getað gert“ við þær aðstæður sem uppi voru á vettvangi.
„algjörlega ekkert gagn getað gert“ við þær aðstæður sem uppi voru á vettvangi.
Musk svaraði fyrir sig á Twitter og kallaði Unsworth barnaníðing án þess að færa rök fyrir orðum sínum. Skömmu síðar baðst hann afsökunar á ummælunum en kallaði hann svo enn og aftur barnanauðgara í bréfi sem hann sendi fjölmiðlum. Unsworth hefur höfðað meiðyrðamál á hendur Musk.
Skiptir miklu meira máli en fólk grunar
Handteknir eftir myndatöku í Vesturbæjarlaug
Tveir í bílnum sem lenti utan vegar
Shakespeare fannst í skókassa
Kostnaður meiri en milljón á fermetra
„Það þarf að vinna mikinn fjölda upp“