Snýst „ekki endilega“ um Biden
Setja bókamerki
Tengdar fréttir
Forsetakosningar í Bandaríkjunum 2020
Ríkissaksóknari Úkraínu greindi frá því í dag að skrifstofa hans hefði tekið til endurskoðunar afgreiðslu fimmtán mála sem tengdust úkraínska gasfyrirtækinu Burisma.
Sonur Joes Biden, fyrrverandi varaforseta Bandaríkjanna og þátttakanda í forkosningum bandaríska Demókrataflokksins vegna forsetakosninganna á næsta ári, Hunter Biden, hefur setið í stjórn fyrirtækisins. Donald Trump, forseti Bandaríkjanna, er sakaður um að hafa þrýst á Volodimír Zelenskí, forseta Úkraínu, í símtali á dögunum að láta rannsaka bæði Hunter og Joe Biden vegna tengsla þess fyrrnefnda við fyrirtækið.
Saksóknarinn, Ruslan Ryaboshapka sem tók við embætti í ágúst, tók fram að umrædd mál tengdust „ekki endilega“ Hunter Biden. Verið væri að skoða hvort löglegt hefði verið að loka umræddum rannsóknum eða skipta þeim niður í minni mál eins og gert hafi verið. Yfirvöld í Úkraínu höfðu áður sagt að rannsóknir á Burisma snerust um tímabil áður en Hunter Biden tók sæti í stjórn fyrirtækisins. Þá segir í frétt AFP að Ryaboshapka hafi gefið í skyn að málið beindist að stofnanda fyrirtækisins og öðrum stjórnendum en Biden.
Demókratar á Bandaríkjaþingi hafa hafið rannsókn á símtali Trumps við Zelenskí með það fyrir augum að reyna að koma honum úr embætti forseta Bandaríkjanna.
Tengdar fréttir
Forsetakosningar í Bandaríkjunum 2020
Mun fara sparlega með málskotsréttinn
Hafa „ágætis tíma“ til úrbóta
Segjast ekki vera á kaldri slóð
Sárt að horfa upp á illa meðferð fjármuna
Unnu að fullum heillindum að kaupum á TM
Almannavarnir auka viðbúnað
Aðkoman í gripahúsið mjög slæm