Rapparinn Krept segist hafa það ágætt og að hann muni snúa aftur fyrr en síðar eftir að hann var stunginn áður en hann átti að stíga á svið á tónleikum á vegum Breska ríkisútvarpsins í Birmingham í gærkvöldi.
Tónleikunum var aflýst eftir árásina en rapparinn særðist ekki alvarlega.
Samkvæmt lögreglu hlúðu sjúkraliðar að Krept á staðnum og hann var ekki fluttur á sjúkrahús. Lögregla leitar árásarmannsins.
Óeirðir brutust út í tónleikasalnum þegar tilkynnt var að dagskrá kvöldsins væri lokið en um 15.800 manns voru á svæðinu.