Nýtt útilistaverk bandaríska listamannsins Jeff Koons til minningar um fórnarlömb hryðjuverkaárásarinnar í París 2015 hefur fengið misjöfn viðbrögð. Um risavaxinn túlípanavönd er að ræða en gagnrýnendur segja verkið frekar minna á sykurpúða eða sé jafnvel klámfengið.

Verkið Bouquet of Tulips er gjöf listamannsins til Parísarbúa og var það afhjúpað skammt frá Champs-Elysées á föstudag. 

Verkið er 12 metrar að hæð og staðsett við Le Petit Palais. Koons segir að verkið eigi að sýna stuðning hans og samstöðu Bandaríkjanna með frönsku þjóðinni. 

Ég, sem íbúi í New York, upplifði 11. september og þá sorg sem var yfir borginni, sagði Koons í tilefni af afhjúpuninni og bætti við að 80% af því fé sem safnaðist við sölu á höfundarrétti verksins rynni til fjölskyldna fórnarlamba hryðjuverkaárásarinnar í París. Alls létust 130 í árásinni. 

Allt frá afhjúpun Bouquet of Tulips á föstudag hafa Parísarbúar og gagnrýndur verið duglegir að segja skoðun sína á verki. Orð eins og hryllingur, gróteskt og klámfengið heyrast oftast.

AFP

Heimspekingurinn Yves Michaud skrifar í L'Obs-tímaritið að það sé staðreynd að verkið sé klámfengið. Hann gengur jafnvel svo langt að tala um 11 litaglaða endaþarma. 

Frétt L'OBs

Annar segir að verkið minni helst á litaglaða sykurpúða og ýmsir segjast ætla að halda sig fjarri svæðinu þar sem verkið er til þess að þurfa ekki að horfa á þennan hrylling. 

Borgarstjóri Parísar, Anne Hildago, segist aftur á móti ekkert skilja í þessari gagnrýni á þetta fallega verk.

Frétt BBC

AFP

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• Blogga um frétt