Hunter Biden hefur ákveðið að segja sig frá stjórnarsetu í kínverska fjárfestingafélaginu BHR 31. október í kjölfar þess að seta hans í stjórn félagsins og úrkaínska orkufyrirtækisins Burisma varð að pólitísku deilumáli í Bandaríkjunum.

Donald Trump Bandaríkjaforseti hvatti stjórnvöld í Úkraínu til þess að rannsaka Biden og föður hans, Joe Biden fyrrverandi varaforseta Bandaríkjanna og þátttakanda í forvali bandarískra demókrata vegna forsetakosninganna á næsta ári, vegna setu hans í stjórn orkufyrirtækisins. Hafa demókratar á Bandaríkjaþingi í kjölfarið hafið rannsókn á samskiptum Trumps og ríkisstjórnar hans við úkraínska ráðamenn.

Hunter Biden hefur ekki tjáð sig um málið til þessa en í yfirlýsingunni í dag kemur fram að hann hafi stundað viðskipti sín í góðri trú. Hann hafi aldrei átt von á þeirri hrinu rangra ásakana sem dunið hefðu á bæði honum og föður hans frá Trump.

Enn fremur kemur fram ýfirlýsingunni, sem fór í gegnum lögmann hans, að Hunter hafi átt í þessum viðskiptum alfarið sjálfur. Hann hafi hvorki talið viðeigandi að ræða þau við föður sinn né hafi hann gert það. Hann hætti í stjórn Burisma í apríl.

Lögð er áhersla á það í yfirlýsingunni að ítarlegar rannsóknir hafi ekki leitt neitt sem benti til þess að Hunter Biden hefði gerst sekur um nokkuð ólögmætt í þau fimm ár sem hann sat í stjórn orkufyrirtækisins.

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• Blogga um frétt