Handsprengju var varpað inn á kaffihús á Amager í nótt. Talið er að tilræðið tengist stríði milli skipulagðra glæpahópa.
Samkvæmt tilkynningu frá lögreglunni í Kaupmannahöfn var tilkynnt um sprengingu á kaffihúsinu klukkan 2:46 í nótt. Rannsókn hefur leitt í ljós að um handsprengju var að ræða og biður lögreglan alla þá sem veitt geta upplýsingar um málið að hafa samband.
Torben Svarrer, sem fer með rannsókn málsins, segir í samtali við danska ríkisútvarpið að vitni hafi sagt að bifreið hafi verið ekið á mikilli ferð frá kaffihúsinu skömmu eftir að sprengingin var. Þetta er 14. sprengjutilræðið í Kaupmannahöfn það sem af er ári.