Rússneskir rannsakendur réðust inn í kosningaskrifstofur stjórnarandstöðunnar víðsvegar um Rússland í dag í þeim tilgangi að auka þrýsting á leiðtoga stjórnarandstöðunnar, Alexei Navalny, og bandamenn hans. 

Innrásirnar beindust að fleiri en 100 kosningaskrifstofum Navalny og heimilum aðgerðarsinna í þrjátíu borgum, að sögn stjórnarandstöðunnar, þar á meðal var ráðist inn í höfuðstöðvar samtaka Navalny sem berjast gegn spillingu. Þær eru staðsettar í Moskvu. 

Navalny er einn helsti gagnrýnandi Vladimirs Pútíns, forseta Rússlands. Áðurnefnd samtök Navalnys voru nýlega sett í flokk með erlendum erindrekum af rússneskum stjórnvöldum. Það gefur stjórn­völd­um víðtæk­ar heim­ild­ir til eft­ir­lits með starf­sem­inni.   

Frétt af mbl.is

Flokka samtök Navalny sem erlendan erindreka

Yfirvöld bera peningaþvætti fyrir sig 

Navalny fordæmis innrásirnar og segir þær tilraun til að draga kjark úr stjórnarandstöðunni eftir sumar fullt af mótmælum. Navalny hefur skipulagt stærstu mótmæli gegn Pútín á undanförnum árum og orðræða hans gegn spillingu verður sífellt vinsælli. 

„Þetta mun ekki stöðva okkur,“ sagði Navalny í færslu á bloggsíðu sinni skömmu eftir að innrásirnar hófust. „Við erum að gera það sem er rétt. Þeir sem eru á móti okkur eru óvinir Rússlands.“

Vladimir Pútín, forseti Rússlands, er allt annað en sáttur með Navalny. AFP

Rússnesk yfirvöld sögðu í dag að innrásirnar væru hluti af yfirstandandi rannsókn á peningaþvætti. 

Í ágúst síðastliðnum sökuðu rússneskir rannsóknarlögreglumenn samtök Navalnys um að dulbúa illa fengið fé sem gjafir til samtakanna. 

Navalny, sem er 43 ára gamall lögfræðingur, segist hafa misst töluna á því hversu oft innrásir hafa verið gerðar í samtök hans á síðastliðnum tveimur mánuðum og að 112 rannsakendur séu að vinna í málum hans. 

Tengdar fréttir

Rússland

Aðstoðarvarnarmálaráðherra Rússa handtekinn

• Tveir létust í úkraínskri drónaárás í Rússlandi
• Tveir handteknir grunaðir um njósnir fyrir Kreml
• Krumlur Kremlar afhjúpast enn í Vín
• Eyðilögðu sex herflugvélar Rússa

» Fleiri tengdar fréttir

Al­ex­ei Navalní

Árásin á Volkov „líklega“ skipulögð af Rússum

• Ráðist á samstarfsmann Navalnís í Litáen
• Heimsótti gröf sonar síns
• „Við munum ekki fyrirgefa“
• Á fimmta tug handtekin

» Fleiri tengdar fréttir

• Blogga um frétt