Erdogan þekkist heimboð Pútíns
Setja bókamerki
Vladimír Pútín Rússlandsforseti ræddi átökin á landamærum Sýrlands og Tyrklands í símtali við Recep Tayyip Erdogan Tyrklandsforseta í gær, að sögn stjórnvalda í Kreml, sem segja jafnframt að Erdogan hafi átt frumkvæði að símtalinu.
Pútín hefur boðið Erdogan „í vinnuheimsókn á næstu dögum“. Erdogan á að hafa þekkst boðið, að því er segir í tilkynningu frá forsetaskrifstofu Rússlands.
Í símtalinu lögðu leiðtogarnir áherslu á að mikilvægi þess að koma í veg fyrir bein átök herja Tyrklands og Sýrlands í norðausturhluta þess síðarnefnda og hefur rússneski herinn því komið sér fyrir á milli þeirra. Þá lofaði Erdogan því að Tyrkir myndu aðstoða sýrlenska stjórnarherinn í baráttunni gegn hryðjuverkamönnum.
Rússar eru aðalbandamenn stjórnarhers al-Assad Sýrlandsforseta, sem hefur komist að samkomulagi við Kúrda, sem Tyrkir herja nú á í norðausturhluta Sýrlands, og veita þeim nú liðsstyrk á helstu vígstöðvum.
Erdogan sagði í gærkvöld að Tyrkir geti aldrei lýst yfir vopnahléi í norðanverðu Sýrlandi fyrr en þeir geti fullvissað sig um að þeir hafi útrýmt hryðjuverkasveitum við landamærin, en Tyrkir líta á vopnaðar sveitir Kúrda sem hryðjuverkasamtök.
Þá segir forsetinn viðskiptaþvinganir Bandaríkjastjórnar ekki hafa nein áhrif á hernaðaraðgerðir Tyrkja.
„Höfum ekki náð að skríða upp úr þeirri gryfju“
Handteknir eftir myndatöku í Vesturbæjarlaug
Skar höfuðleðrið af íslenskri konu
Telur forsendur fyrir vaxtalækkun
Skemmtiferðaskip hætt komið nærri Viðey
Kostnaður meiri en milljón á fermetra
„Umsátursástand“