Yngsta þingkonan styður elsta frambjóðandann
Setja bókamerki
Yngsta þingkona sögunnar í Bandaríkjunum, hin þrítuga Alexandria Ocasio-Cortez, styður Bernie Sanders sem sækist eftir því að verða frambjóðandi demókrata í forsetakosningunum í Bandaríkjunum á næsta ári.
Ocasio-Cortez kemur fram á kosningafundi Sanders næstu helgi í New York undir yfirskriftinni „Bernie's Back“ eða „Bernie snýr aftur“ en hann fékk hjartaáfall fyrir tæplega tveimur vikum.
Þingkonan hefur vakið mikla athygli fyrir stefnumál sín og er vinsæl meðal ungra stuðningsmanna demókrata. Kosningabarátta hennar þótti nokkuð róttæk á bandarískan mælikvarða en hún styður gjaldfrjálsa háskólamenntun, heilbrigðisþjónustu fyrir allar stéttir og endurskipulagningu réttarkerfisins.
Fyrir fram ætti liðsauki yngstu þingkonunnar fyrir kosningabaráttu elsta frambjóðandans að skila ófáum atkvæðum.
Sanders, Biden og Warren líklegust
Sanders tók þátt kappræðum 12 frambjóðenda Demókrataflokksins í Westerville í Ohio í gær. 26 hafa tilkynnt um framboð en sjö hafa nú þegar dregið það til baka. Sanders er elsti frambjóðandinn, 78 ára, en Pete Buttigieg er sá yngsti, 37 ára.
Frambjóðendurnir sem tóku þátt í kappræðunum í gær eru taldir líklegastir til að eiga möguleika í þeirri hörðu baráttu sem fram undan er en forsetaframbjóðandi flokksins verður útnefndur á landsfundi Demókrataflokksins næsta vor.
Sanders þakkaði stuðningsmönnum og keppinautum fyrir batakveðjurnar í kappræðunum í gær en að öðru leyti fór ekki mikið fyrir honum. „Ég er hraustur, mér líður vel,“ sagði Sanders.
Hart var hins vega sótt að helstu keppnautum hans, Elizabeth Warren og Joe Biden, en þremenningarnir mælast með mest fylgi samkvæmt könnunum.
Biden þurfti að sjálfsögðu að svara fyrir tengsl sín og sonarins við Úkraínu, en hann sagði son sinn ekki hafa gert neitt af sér, frekar en hann sjálfur.
Samkvæmt RealClear Politics, sem heldur utan um helstu kannanir vestanhafs, nýtur Sanders um 16% fylgis en Warren og Biden skiptast á að hafa forystu. Warren er með 20-30% fylgi og Biden 25-32% fylgi.
Myndir: Reynir við heimsmet í Hlíðarfjalli í dag
Tóku upp hanskann fyrir leikskólabörn
Átta morðmál á aðeins tólf mánuðum
Hernaðaraðstoð samþykkt – Vopnasendingar í vikunni
Mest spennandi kosningar í áratugi
Búið að bólusetja börn alla helgina
Áköf mótmæli í bandarískum háskólum
Fara ekki lengur fram á einangrun yfir Davíð