Orkumálaráðherra Bandaríkjanna hættir um áramótin
Setja bókamerki
Rick Perry, orkumálaráðherra Bandaríkjanna, lætur af störfum um áramótin. Þetta segir Donald Trump forseti Bandaríkjanna. Perry þarf að koma fyrir rannsóknarnefnd fulltrúadeildar Bandaríkjaþings en til rannsóknar eru meint embættisglöp Trump og samskipta hans við forseta Úkraínu, Volodimír Zelensky.
„Rick hefur staðið sig gríðarlega vel í orkumálum. Allt hefur sinn tíma og þrjú ár í starfi er langur tími,“ sagði Trump við fjölmiðla í Texas-ríki og bætti við „eftirmaður hans hefur þegar verið fundinn.“
Bandaríkjaforseti tilkynnti um þessar breytingar daginn eftir að Perry greindi frá því í fjölmiðlum að hann hafi, samkvæmt fyrirskipun Trump, átt í samskiptum við Rudy Giuliani lögmann forsetans um meinta spillingu í tengslum við Úkraínu.
Þess má geta að Perry kom hingað til lands á ráðstefnuna Arctic Circle fyrr í mánuðnum. Í viðtali við mbl.is var hann spurður hvort hann hyggðist hætta sem orkumálaráðherra eins og fjölmiðlar Vestanhafs hafa greint frá. „Þeir hafa verið að skrifa fréttir um það í einhverja níu mánuði að ég sé á leið út. Einn daginn, ef þeir halda áfram að segja það, mun það verða rétt. Ég verð ekki olíumálaráðherra að eilífu.“ Þetta sagði Perry fyrir rétt rúmri viku.
Áköf mótmæli í bandarískum háskólum
„Þetta er pínu óvanaleg staða“
Baldur: „Ég ætla að svara þessu kalli“
Sáttur við sína stöðu og finnur fyrir meðbyr
Búið að bólusetja börn alla helgina
„Staðan er grafalvarleg“
„Mér finnst Halla Hrund svona Vigdísarleg“