Erlent | AFP | 18.10.2019 | 22:45

Brouillette tekur við af Perry

Donald Trump forseti Bandaríkjanna hefur tilnefnt næsta orkumálaráðherra landsins. AFP

Dan Brouillette verður næsti orkumálaráðherra Bandaríkjanna. Þetta staðfestir Donald Trump, forseti Bandaríkjanna, daginn eftir greint var frá því að Rick Perry hugðist láta af sama embætti um áramótin.

Frétt af mbl.is

Orkumálaráðherra Bandaríkjanna hættir um áramótin

Perry þarf að koma fyrir rannsóknarnefnd fulltrúadeildar Bandaríkjaþings en til rannsóknar eru meint embættisglöp Trump og samskipta hans við forseta Úkraínu, Volodimír Zelensky.

Brouillette hefur gegn embætti aðstoðarráðherra orkumála frá því um mitt ár 2017. Hann er viðskiptamaður og fyrrverandi framkvæmdastjóri fyrirtækisins Ford Motor.

„Reynsla Dan á þessu sviði er óviðjafnanleg. Hann er fagmaður fram í fingurgóma og ég efast ekki um að Dan eigi eftir að standa sig vel,“ sagði Trump á samskiptamiðlinum Twitter.

....He is also my friend! At the same time, I am pleased to nominate Deputy Secretary Dan Brouillette to be the new Secretary of Energy. Dan’s experience in the sector is unparalleled. A total professional, I have no doubt that Dan will do a great job!
— Donald J. Trump (@realDonaldTrump) October 18, 2019