Leikkonan Rose McGowan hefur kært Harvey Weinstein, fyrrverandi lögmann hans og einkaspæjarastofu og sakar þessa aðila um að reyna að þagga niður í henni. McGowan var fyrsta konan til að stíga opinberlega fram og saka Weinstein um nauðgun í apríl 2017. Þetta kemur fram á BBC.
Hún heldur því fram að þessir einstaklingar hafi unnið markvisst að því að þagga niður í henni eftir að fréttist að hún ætlaði að skrifa bók árið 2016 þar sem hún lýsir meintri nauðgun. Bókin, Brave, kom engu að síður út í fyrra.
McGowan heldur því fram að Weinstein hafi nauðgað henni árið 1997 á hótelherbergi þegar kvikmyndahátíðin Sundance Film Festival stóð yfir.
Kæran snýr að brotum á friðhelgi einkalífs, fjárkúgun og svikum og er á hendur, sem fyrr segir, Weinstein, lögmönnum hans tveimur, þeim David Boies og Lisa Bloom, auk einkaspæjarastofunnar Black Cube.
Weinstein vísar öllum ásökunum á bug.
„Þetta mál snýst um hvernig einn áhrifamesti maðurinn og hans fylgdarlið reyna að þagga niður í þolanda kynferðisbrots. Þetta sýnir hugrakkar konur og blaðamenn sem neita að láta þagga niður í sér og vilja afhjúpa sannleikann,“ segir lögmaður hennar.