Rússneskar konur, sem haldið var föngnum í fangabúðum Kúrda í norðurhluta Sýrlands vegna stuðnings þeirra við Ríki Íslams, grátbiðja Vladimir Pútín, forseta Rússlands, um hjálp við að komast til heimalandsins.

Konunum er haldið í tveimur mismunandi búðum þar sem fjölskyldur meintra hryðjuverkamanna Ríkis Íslams eru í haldi. 

Fram kemur í frétt AFP að þúsundir Rússa hafi gengið til liðs við Ríki Íslams í Sýrlandi og Írak. Einhverjar konur og börn hafa snúið aftur til Rússlands.

„Ég vil komast aftur heim,“ sagði Julia Kryukova frá Pétursborg, áður en rödd hennar brestur. 

Hún óttast barsmíðar þar sem henni er haldið. „Konurnar eru árásargjarnar. Þær kveikja í tjöldum og berja fólk. Ég veit ekki hvað ég á að gera,“ bætti Kryukova við.

Frá því að Tyrkir hófu innrás í Sýrland í byrjun október eru fangabúðirnar á valdi tyrkneskra hermanna og sýrlenskra stuðningsmanna þeirra. 

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

Ríki íslams

Neita að tjá sig um Ríki íslams

• Vara við hugsanlegum hryðjuverkum í Moskvu
• Ekki vitað um aðra ISIS-liða
• Ríki íslams lýsir árásinni á hendur sér
• Leiðtogi Ríkis íslams sagður látinn

» Fleiri tengdar fréttir

• Blogga um frétt