Sönnunargögnin bendi til morðs
Setja bókamerki
Réttarmeinafræðingur, sem bróðir Jeffrey Epstein réði til starfa, segir að sönnunargögn bendi til þess að auðkýfingurinn og barnaníðingurinn Epstein hafi ekki framið sjálfsvíg í fangaklefa sínum í ágúst heldur hafi hann verið myrtur.
„Ég held að sönnunargögnin bendi frekar til morðs en sjálfsvígs,“ sagði réttarmeinafræðingurinn Michael Baden, í samtali við Fox News, en hann var viðstaddur krufningu Epstein.
Hann benti til að mynda á að hálsliðir hans hefðu brotnað á mörgum stöðum sem óvenjulegt væri að sjá þegar um sjálfsvíg væri að ræða. Áverkarnir væru líkari kyrkingu.
Epstein fannst látinn í fangaklefa sínum aðfaranótt 10. ágúst.
Hann var sakaður um skipulagt mansal í vændisskyni. Áttu brotin sér flest stað í glæsihýsum hans á Manhattan og í Flórída árin 2002 til 2005. Epstein greiddi stúlkum stundum nokkur hundruð dali fyrir kynmök, en fram kom í ákæru að yngstu fórnarlömb hans hafi verið allt niður í 14 ára gömul, og hafi honum verið það fullljóst. Hann átti yfir höfði sér allt að 45 ára fangelsi.
Yfirréttarmeinafræðingur New York-borgar, Barbara Sampson, sagði að um sjálfsvíg væri að ræða en því hefur lögfræðingur hins látna mótmælt.
Telur forsendur fyrir vaxtalækkun
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar
Handteknir eftir myndatöku í Vesturbæjarlaug
Gígbarmurinn hækkað frá því í gær
Æskuvinur Íslendings myrtur í Noregi
„Umsátursástand“