Trump segir O'Rourke hafa hætt eins og hund
Setja bókamerki
Donald Trump forseti Bandaríkjanna hæddist að Beto O'Rourke, sem í gær tilkynnti að hann væri hættur við að bjóða sig fram sem fulltrúi Demókrataflokksins í forsetakosningunum á næsta ári og líkti honum við hund.
Þessi orð lét forsetinn falla á kosningafundi í bænum Tupelo í Mississippiríki í gær. Í frétt breska ríkisútvarpsins, BBC, segir að þar hafi hann sagt O'Rourke hafa „gefist upp eins og hund“ og að hann væri „aumur og aumkunarverður maður“.
Fyrir nokkrum dögum notaði Trump áþekka samlíkingu, það var þegar hann sagði að Abu Bakr al-Baghdadi, leiðtogi hryðjuverkasamtakanna Ríki íslams hefði „dáið eins og hundur“ þegar hann var sprengdi sig í loft upp eftir að hafa verið króaður af af bandarískum hermönnum í Sýrlandi.
O'Rourke, sem er fyrrum þingmaður Texasríkis, hefur verið afar gagnrýninn á stefnu Trumps, einkum hvað varðar byssueign og málefni innflytjenda. Hann sagði fjöldamorðin í verslun Walmart í borginni El Paso í Texas í september vera afleiðingu innflytjendastefnu Trumps.
Aukin tíðni þungunarrofa hjá yngsta aldurshópnum
„Þögnin er ærandi“
Benda á Samgöngustofu sem bendir út í heim
Hjón sluppu með skrekkinn
Myndskeið: Braut rúðurnar og rölti svo í burtu
Allar rúður brotnar hjá Fiskikónginum