121 árs gömul mynd, sem tekin var við gullgröft í Kanada, hefur vakið vangaveltur um hvort sænski loftslagssaðgerðasinninn Greta Thunberg sé tímaferðalangur. Sjálf hefur Thunberg ekki tjáð sig um málið, en hún er nú á ferð yfir Atlantshafið á leið frá Virginíuríki í Bandaríkjunum til Lissabon í Portúgal á hinum 48 feta tvíbolungi La Vagabonde.
Is #GretaThunberg a time traveller?https://t.co/URksUmbSyy
— RT (@RT_com) November 20, 2019
Myndin er frá árinu 1898 og er í eigu Washington-háskóla. Á myndinni sjást þrjú börn að störfum við gullgröft í Yukon, sem er í norðvesturhluta Kanada, henni hefur verið dreift víða á samfélagsmiðlum og margir hafa tjáð sig um hana. Sumir segjast telja að Thunberg sé tímaferðalangur sem ferðist í gegnum tímann til að bjarga mannkyninu frá sjálfu sér.
Aðrir segjast vona að hún hafi þá a.m.k. notað umhverfisvænan ferðamáta, á borð við sólarorkuknúið farartæki, til tímaflakksins og að hún hafi kolefnisjafnað ferðina.
Greta Thunberg look-alike in 1898 Yukon gold rush photo has sparked time-travel conspiracies https://t.co/rT6BUE6N5P pic.twitter.com/gTcUfZfyhf
— The Vancouver Sun (@VancouverSun) November 21, 2019