Jeremy Corbyn, leiðtogi breska Verkamannaflokksins, heitir því að vera hlutlaus varðandi Brexit og hyggst efna til annarrar þjóðaratkvæðagreiðslu um útgöngu Breta úr Evrópusambandinu, verði hann forsætisráðherra. 

Frá þessu greindi hann í þættinum Question Time á BBC í gærkvöldi þar sem gestir í sal spurðu leiðtoga fjögurra stærstu flokkanna Bretlandi spjörunum úr. Þingkosningar fara fram 12. desember. 

Corbyn sagðist ætla að ná betri samningi við ESB en núverandi ríkisstjórn og ítrekaði hann að hann mun efna til þjóðaratkvæðagreiðslu um samninginn, auk þess sem greidd verða atkvæði hvort Bretar vilji verða um kyrrt í sambandinu. Hann vilji fara þessa leið svo farið verði eftir vilja kjósanda, hver sem niðurstaðan verður. 

Boris Johnson forsætisráðherra og leiðtogi Íhaldsflokksins furðaði sig á því hvernig Corbyn gæti verið jafn áhugalaus um svo alvarlegt málefni og krafði hann um svör. Corbyn sagði að hann áliti þetta skynsamlegustu leiðina í málefnum Brexit til að fara eftir vilja kjósenda.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

Kosningar í Bretlandi 2019

„Róttækasta stefnuræða drottningar síðari ára“

• Drekki ekki kampavín með auðkýfingum
• Áfram afgerandi kynslóðabil í breskum stjórnmálum
• Sökuð um að kalla kjósendur heimska
• Sleppur við að synda nakin í Loch Ness

» Fleiri tengdar fréttir

• Blogga um frétt