Leiðtogi heimastjórnar Hong Kong, Carrie Lam, segir ríkisstjórnina ætla í alvarlega sjálfsskoðun eftir úrslit héraðskosninganna, sem sögð eru átölur á Lam.

Í kjölfar kosninganna, þeirra fyrstu síðan mótmælaalda braust út, eru lýðræðissinnar við stjórn í 17 af 18 héruðum sjálfsstjórnarborgarinnar. Þá var þátttaka í kosningunum sögulega há, en 71% íbúa greiddu atkvæði.

Frétt af mbl.is

Stórsigur lýðræðissinna í Hong Kong

Mótmælin, sem staðið hafa yfir mánuðum saman, hófust þegar til stóð að Carrie Lam legði fyrir þingið frumvarp til laga sem kváðu um að framselja mætti dæmda glæpamenn í Hong Kong til Kína. 

Lam dró frumvarpið fljótlega til baka en það varð ekki til þess að mótmælin lægði. Þvert á móti hafa þau aukist og orðið ofbeldisfyllri, en mótmælendur krefjast nú aukins lýðræðis frá Kína.

Niðurstöður kosninganna eru jafnframt sagðar sýna mikinn stuðning við mótmælin.

Í yfirlýsingu frá Lam í kjölfar úrslita kosninganna segir að mörgum þyki úrslitin sýna fram á óánægju íbúa með viðvarandi ástand. Stjórnvöld myndu hlusta á skoðanir almennings og fara í alvarlega sjálfsskoðun.

Frétt BBC

Tengdar fréttir

Mótmælt í Hong Kong

Átta handteknir 34 árum eftir blóðbaðið

• John Lee nýr leiðtogi Hong Kong
• Fyrsta sakfellingin á grundvelli öryggislaganna
• Frekari yfirlýsinga um Kúbu að vænta
• Vara fólk við að syrgja árásarmanninn

» Fleiri tengdar fréttir

• Blogga um frétt