Hugðust stofna nýjan nasistaflokk

Bækur um nasista- og fasistaleiðtoga og vopn eru meðal þess ...
Bækur um nasista- og fasistaleiðtoga og vopn eru meðal þess sem ítalska lögreglan lagði hald á. AFP

Ítalska lögreglan kveðst hafa komið upp um áætlanir um stofnun nýs nasistaflokks, og lagt hald á fjölda vopna, þ.á.m. riffla og sverð, í húsleitum víðsvegar um landið.

Nítján eru grunaðir í málinu, að því er segir í frétt BBC. Við húsleitir í eignum þeirra hafi jafnfram verið lagt hald á nasistafána, sem og bækur um Adolf Hitler og ítalska fasistaleiðtogann Benito Mussolini.

Samkvæmt mælingum eru árásir gegn gyðingum og framtakssemi nýnasista á uppleið í Ítalíu.

Ráðist var í aðgerðir gegn meintum stofnendum nasistaflokksins víðsvegar um landið, allt frá Mílanó til Sikileyjar, eftir tveggja ára langa rannsókn hryðjuverka- og mafíudeildar ítölsku lögreglunnar.

Lögreglan hefur ekki gefið út hversu margir höfðu gengið til liðs við hreyfinguna sem ætlaði sér að stofna nasistaflokkinn.

Frétt BBC

mbl.is

Bloggað um fréttina