London Bridge hefur verið lokað vegna átaka, að því er segir á vef BBC. Fréttamaður BBC sá hóp manna í átökum á brúnni, þá bar lögreglu að og skotum var hleypt af. Lögreglan í London hefur staðfest þetta og vísað fólki frá.

Sky News segir fimm hafa orðið fyrir áverkum og að lögreglan hafi skotið meintan árásarmann. Talið er að maðurinn hafi ráðist á fólkið með hnífi. Fram kemur í frétt AFP að árásarmaðurinn sé nú í haldi lögreglu. BBC hefur eftir lögreglu að málið sé meðhöndlað sem hryðjuverk. 

Í júní 2017 var gerð hryðjuverkaárás á London Bridge þegar þrír menn óku sendibíl á hóp fólks og réðust að því búnu á fólkið og drápu átta manns. Fyrr í þessum mánuði lækkaði Bretland hryðjuverkastigið í landinu og er það nú hið lægsta síðan 2014, en atvik á borð við það sem gerðist nú rifjar upp fyrri atburði, meðal annars á brúnni. 

Fréttin verður uppfærð.

Lögreglan er með mikinn viðbúnað við London Bridge í miðborg Lundúna. AFP

Vopnaðir lögreglumenn mættu fljótt á staðinn eftir að fregnir bárust af árás á London Bridge. AFP

Tengdar fréttir

Hryðjuverk í London

Boða aðgerðir í kjölfar hryðjuverkaárásar

• Íslamska ríkið lýsir árásinni á hendur sér
• Annað fórnarlambanna nafngreint
• Drottningin lofsamar hetjudáð borgara
• Árásarmaðurinn var á reynslulausn

» Fleiri tengdar fréttir

Árás á London Bridge

Fær reynslulausn vegna hetjudáðar

• Dæmdur morðingi barðist við árásarmann
• Miður sín yfir að hafa ekki getað bjargað fólkinu
• Fjölskylda árásarmannsins í áfalli
• Vitni lýsir mikilli örvæntingu

» Fleiri tengdar fréttir

• Blogga um frétt